राजस्थान माथि बंगलोरुको ११ रनकाे नाटकिय जित

क्रिकेट

नेपाल लाइभ शुक्रबार, वैशाख १२, २०८२ ०७:०६

काठमाडौं – इन्डियन प्रिमियर लिग (आईपीएल)मा रोयल च्यालेन्जर बंगलोरुले राजस्थान रोयल्स माथि ११ रनको नाटकिय जित निकालेको छ । २०६ रनको लक्ष्य पछ्याएको राजस्थानका लागि अन्तिम दुई ओभरमा जितका लागि १८ रन आवश्यक थियो । साथै ५ विकेट साथमा थियो ।

१९ औँ ओभरमा जोस हजेलउडले १ रन दिएर ध्रुव जुरेल र जोफ्रा आर्चरको विकेट लिएपछि यस दयालले अन्तिम ओभरका बंगलोरुलाई जित दिलाए । अन्तिम ओभरका पनि दुई विकेट गुमाएको राजस्थान ९ विकेट गुमाउँदै १९४ रनमा सीमित भयो ।

शानदार सुरुवात गरेको राजस्थानका लागि प्रारम्भिक ब्याट्सम्यान यशस्वी जयसवालले १९ बलमा ४९ रन जोडे । जुरेलले ३४ बलमा ४७ रन जोडे । प्लेयर अफ द म्याच समेत घोषित हलेजउडले ४ ओभरमा ३३ रन खर्चेर ४ विकेट लिए । क्रुनाल पाण्डेले ४ ओभरमा ३१ रन खर्चेर २ विकेट लिए ।

बंगलोरुले घरेलु भूमिमा टस हारेर पहिले ब्याटिङ गर्दै पाँच विकेटको क्षतिमा २०५ रन बनाएको थियो । बंगलोरुका लागि विराट कोहलीले ४२ बलमा ७० रन तथा देवीदत्त पाणीकलले २७ बलमा ५० रन जोडे । जितेस शर्माले १० बलको सामना गर्दै अविजित २० रन बनाए । राजस्थानका सन्दीप शर्माले दुई विकेट लिए पनि चार ओभरमा ४५ रन खर्चिए । विजयी बंगलोर ९ खेलमा १२ अङ्कसहित तेस्रो स्थानमा उक्लेको छ । राजस्थान भने चार अङ्क सहित आठौँ स्थानमा छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

आरजु राणाले भनिन्- सरकार परिवर्तनको हल्ला मनोरञ्जनका लागि मात्र हो

प्रतिनिधिसभा बैठक बैशाखभर १० दिन बस्ने (क्यालेण्डरसहित)

सिन्धुपाल्चोकमा भूकम्पको धक्का महसुस