एमसीसी परियोजना बन्द गर्दै अमेरिका

अर्थ समाचार

नेपाल लाइभ बिहीबार, वैशाख ११, २०८२ ११:३७

काठमाडौं – अमेरिकाले मिलिनियम च्यालेन्ज कर्पोरेशन (एमसीसी) परियोजना बन्द गर्ने भएको छ । विकासशील देशहरुको आर्थिक विकासमा सहयोग गर्ने उद्देश्यले स्थापित यो परियोजना एलन मस्क नेतृत्वको सरकारी दक्षता विभागको सिफारिसमा बन्द गर्न लागिएको हो ।

संघीय खर्च कम गर्ने उद्देश्यले एमसीसी परियोजना बन्द गर्न लागिएको भन्दै विभागले कर्मचारीहरुलाई इमेल पठाएको छ । मंगलबार विभागले कर्मचारीहरुलाई इमेल लेखेर यसबारे जानकारी गराएको छ । सीएनएनका अनुसार आगामी मे ५ देखि एमसीसीका सबै कर्मचारी पदमुक्त हुने सम्भावना छ ।

एजेन्सीहरुका अनुसार एमसीसीको प्रमुख कार्यकारी अधिकृत बाहेक सबै कर्मचारीलाई अवकास दिने तयारी छ । राष्ट्रपति डोनाल्ड ट्रम्प प्रशासनले यसअघि युएसआईडी बन्द गरेपछि एमसीसीको अनुदान ९० दिनलाई निलम्बन गरिसकेको थियो ।

अमेरिकी कांग्रेसले सन् २००४ मा स्थापना गरेको एमसीसीले सरकारी संस्थानका रुपमा काम गर्दै आएको थियो । यसले दिने अनुदानबाट नेपालसहित झण्डै ४ दर्जन विकासशील मुलुकले आर्थिक विकासका विभिन्न क्षेत्रमा आफूले छनोट गरेका परियोजनामा काम गर्दै आएका छन् ।

एमसीसी चीनको बेल्ट एण्ड रोड इनिसिएटिभ बीआरआई परियोजना आउनुअघिको अमेरिकी रणनीतिक योजनाका रुपमा लिने गरिन्छ । अमेरिकाले एमसीसी परियोजनामार्फत् नेपाललाई ५० करोड डलर अनुदान दिने सम्झौता छ ।

एमसीसी बन्द भएमा नेपालले सुरु गरेका एमसीए नेपाल अन्तर्गतका विद्युत प्रसारण लाइन तथा सडक निर्माणको काम प्रभावित हुने भएको छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

अमेरिकासँग आणविक वार्ताका लागि इरानी विदेशमन्त्री अराघची ओमान प्रस्थान गर्दै

टिपरको ठक्करले मृत्यु भएपछि मोरङको सुन्दरहरैँचा तनावग्रस्त, डीएसपी घाइते

मन्त्रालय प्रवेश नगरी फर्किए शिक्षकहरू