काठमाडौं – जारी इन्डियन प्रिमियर लिग (आईपीएल)को उद्घाटन खेलमा राजस्थान रोयल्सविरुद्ध सानदार जित निकालेको सनराइजर्स हैदरावादले त्यसपछि लगातार चौथो खेलमा पराजित भएको छ । आइतबार राति गुजरात टाइटनसँग ७ विकेटले पराजित भएसँगै सनराइजर्स पाँच खेल खेल्दा दुई अंकसहित तालिकाको पुछारमा छ । गुजरात भने ६ अंकसहित दोस्रो स्थानमा उक्लिएको छ ।
यस सिजनको आईपीएलमा साविक उपविजेता हैदरावादले गएराति लगातार चौथो पराजयको सामना गरेको हो । आइतबार भएको खेलमा हैदरावादले दिएको १५३ रनको लक्ष्य गुजरातले ३ विकेटको क्षतिमा २० बल बाँकी रहँदा पुरा गरेको हो ।
गुजरातका लागि कप्तान शुभमन गिलले ४३ बलमा ६१ रन जोडे । यसैगरी वासिङ्टन सुन्दरले मोहम्मद सामीको बलमा आउट हुनु अघि २९ बलमा ४९ रन जोडे। सेरफाने रुदरफोर्डले विस्फोटक ब्याटिङ गर्दै १६ बलमा अविजित ३५ रन जोडे ।
यस अघि टस हारेर पहिले ब्याटिङ गरेको हैदरावादले ८ विकेटको क्षतिमा १५२ रन जोड्यो । हैदरावादलाई नितिसकुमार रेड्डीले ३१ रन जोडे । उनले यसका लागि ३४ बल खेलेका थिए । हेन्रिक क्लासेनले २७ तथा कप्तान प्याट कुमिन्सले अविजित २२ रन जोडे । ९ बलको सामना गरेका उनले ३ चौका र १ छक्का प्रहार गरे ।
गुजरातका मोहम्मद सिराजले हैदरावादविरुद्ध घातक बलिङ गरे । उनले चार ओभरमा १७ रन खर्चेर चारविकेट लिए । यसैगरी प्रसिद्ध कृष्णले चार ओभरमा २५ रन खर्चेर दुई विकेट हात पार्दा साइ किशोरले चार ओभरमा २४ रन खर्चेर दुई विकेट लिए । खेलमा सिराज प्लेयर अफ द म्याच चुनिए ।
हैदरावाद ५ खेलमा २ अंक जोडेर पुछारमा छ । लगातार तेस्रो जित हात पारेको गुजरात ६ अंकसहित दोस्रो स्थानमा उक्लिएको छ । आईपीएल अन्तर्गत आज मुम्बई इन्डियन्स र रोयल च्यालेन्जर्स बंग्लोरु भिड्दैछन् । खेल नेपाली समय अनुसार साँझ ७ः४५ बजे सुरु हुनेछ ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1743930985.png)
-1743318385.png)
-1742289396-1743592964.jpg)
