काठमाडौं– सत्तारुढ गठबन्धनले मातहतका समितिहरुलाई उम्मेदवारको नाम तथा चुनावी तालमेलको वस्तुस्थिति सहितको प्रतिवेदन पेस गर्न वैशाख ४ सम्मको समयसीमा थप गर्ने भएको छ।
प्रधानमन्त्री निवास बालुवाटारमा बसिरहेको गठबन्धनको बैठकले स्थानीय समितिहरुलाई वैशाख ४ सम्म उम्मेदवारको नामसहित तालमेल प्रतिवेदन दिन समयसीमा दिएको कांग्रेस नेता कृष्णप्रसाद सिटौलाले जानकारी दिए।
बैठकबाट बाहिरिँदै उनले सबै स्थानीय समितिहरुबाट प्रतिवेदन प्राप्त नभएकाले ४ दिन थप समय दिने सहमति भएको बताए।
स्थानीय आवश्यकता र औचित्यअनुसार गठबन्धनको खाका पेस गर्न स्थानीय संयन्त्रहरुलाई यसअघि नै भनिएको थियो।
ती संयन्त्रहरुको प्रतिवेदनमा उम्मेदवारको समेत टुंगो लगाउने विषयमा छलफल भएको हो। शीर्ष नेताहरुको बैठक भने अझै जारी छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749826086.png)
