काठमाडौं– प्रतिनिधिसभाको बैठक आइतबारसम्म स्थगित भएको छ । सभामुख देवराज घिमिरेले आइतबार बिहान ११ बजेसम्मका लागि बैठक स्थगित भएको जानकारी दिए ।
आजको बैठक राष्ट्रिय प्रजातन्त्र पार्टी (राप्रपा) राष्ट्रिय स्वतन्त्र पार्टी (रास्वपा)को विरोधकै बीचमा सभामुख देवराज घिमिरेले अगाडि बढाएका थिए ।
बैठकमा प्रमुख प्रतिपक्षी दल नेकपा (माओवादी केन्द्रका प्रमुख सचेतक हितराज पाण्डेले सत्तापक्षसँग भएको सहमतिबारे जानकारी गराएका थिए ।
त्यसपछि राप्रपाका अध्यक्ष राजेन्द्र लिङ्देनले आफ्नो धारणा राखे । लिङदेनले गृहमन्त्री रमेश लेखकलाई नैतिकता छ भने राजीनामा दिएर भिजिट भिसा प्रकरणमा छानबिनका लागि सहयोग गर्न आग्रह गरे । उनले सहसचिवभन्दा ठूलो व्यक्ति को हुन्छ ? मन्त्री बाहेक भन्दै प्रश्न गरे ।
प्रमुख प्रतिपक्षी दल नेकपा (माओवादी केन्द्र)ले सरकारसँग सहमति गरेर लुटमा साथ दिएको आरोप लगाए । त्यस्तै उनले सरकारले जंगे शासन लाद्न खोजेको भन्दै आपत्ति जनाए । लिङ्देनले सरकारले लेख्न र बोल्न पाउने अधिकारसमेत कुन्ठित गरेको आरोप लगाए । त्यसपछि रास्वपाका सांसद मनिष झाले धारणा राखे ।
उनले संसदीय उच्चस्तरीय छानबिन नबनेसम्म आफूहरूको आन्दोलन जारी रहने बताए । त्यसपछि भिजिट भिसा प्रकरणमा आफूमाथि लागेका आरोपबारे गृहमन्त्री रमेश लेखकले प्रष्टीकरण दिए । लेखकले आफूमाथि राजनीतिक प्रतिशोध साँधेर आरोप लगाइएको र त्यो घटनामा आफ्नो कुनै संलग्नता नरहेको बताए ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749801778.jpg)
-1749797959.png)
-1749826086.png)
