काठमाडौँ – इजरायली प्रधानमन्त्री बेन्जामिन नेतान्याहुले गाजामाथिको नाकाबन्दी आंशिक रूपमा हटाउने निर्णय गरेका छन् । यो निर्णय अनुसार अत्यावश्यक राहत सामग्री सीमित मात्रामा गाजामा प्रवेश गरिनेछ ।
प्रधानमन्त्रीको कार्यालयद्वारा प्रकाशित सूचनामा गाजाका बासिन्दालाई भोकमरीको सम्भावित सङ्कटबाट जोगाउन केही आधारभूत खाद्य सामग्री पठाउने निर्णय गरिएको जनाइएको छ ।
प्रधानमन्त्री नेतान्याहुले आइतबार राति मन्त्रिपरिषद्को बैठकमा यो निर्णय सार्वजनिक गरेका हुन्, यद्यपि यस विषयमा कुनै मत विभाजन गरिएको थिएन । तर यो निर्णय प्रधानमन्त्रीको सरकारमा रहेका केही राष्ट्रवादी मन्त्रीहरूको कडा विरोधको सामना गरिरहेको छ । राष्ट्रिय सुरक्षा मन्त्री इतामार बेन गभीर र अर्थमन्त्री बेजालेल स्मोटरिचले यदि गाजामा सहायता पुनः शुरु गरे सरकारबाट बाहिरिने चेतावनी दिएका छन् ।
हालसम्म राहत कहिलेदेखि प्रवेश गरिने र कुन माध्यमबाट पठाइने भन्नेबारे स्पष्ट जानकारी दिइएको छैन । तर, सरकारी सञ्चार माध्यम ‘कान’ का अनुसार राहत सामग्री तुरुन्तै पठाउन थालिने र वितरण हाल गाजामा कार्यरत अन्तर्राष्ट्रिय सहायता संस्थाहरूले गर्नेछन् । इजरायली पक्षले भनेको नयाँ वितरण प्रणाली, जुन एक अमेरिकी संस्थामार्फत सञ्चालन हुने भनिएको छ, हालसम्म शुरु गरिएको छैन ।
उक्त निर्णय सुरक्षासम्बन्धी सल्लाहपछि लिइएको जनाइएको छ । यो निर्णय गाजामा हालसालै शुरु गरिएको सैन्य अभियानलाई सफल बनाउन आवश्यक कदमका रूपमा प्रस्तुत गरिएको छ । यदि गाजामा भोकमरी फैलियो भने सो अभियानमा बाधा पुग्नसक्ने चिन्ता व्यक्त गरिएको छ । इजरायली पक्षले सहायता वितरण हमासको नियन्त्रणमा नपरोस् भन्ने हेतुले आवश्यक सतर्कता अपनाइने जनाएको छ ।
संयुक्त राष्ट्रसंघीय संस्थाहरूका अनुसार गाजामा गत फागुन १९ गतेदेखि लगाइएको नाकाबन्दीपछिको अवस्थाले गम्भीर रूप लिइसकेको छ । खाद्य सुरक्षासम्बन्धी संयुक्त मूल्याङ्कन अनुसार गाजाका करिब ९३ प्रतिशत मानिसहरू खाद्य अभावको गम्भीर अवस्थामा छन्, जुन सङ्कटदेखि विपद्सम्मको स्तरमा पुगेको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
