कांग्रेसका असन्तुष्ट नेतालाई गोकर्ण विष्टको जवाफ- सत्ता कि प्रतिपक्षमा हुनुहुन्छ चिन्न गाह्रो भो

राजनीति

नेपाल लाइभ शुक्रबार, वैशाख १२, २०८२ १४:४०

काठमाडौं–नेकपा एमालेका सचिव गोकर्ण विष्टले सरकार ढल्दैछ भनेर निराशा पैदा गर्ने काम कसैले पनि गर्न नहुने बताएका छन्।

प्रतिनिधिसभाको बैठकमा एमालेको तर्फबाट बोल्दै विष्टले यस्तो बताएका हुन्।

कांग्रेसका असन्तुष्ट नेताहरूलाई लक्षित गर्दै विष्टले भने, ‘कहिलेकाहीँ त यस्तो लाग्छ। सत्तामा रहेका साथीहरू पनि सत्तामा हुनुहुन्छ कि प्रतिपक्षमा, चिन्न पनि गाह्रो हुने खालको अवस्था पैदा हुन्छ। यो प्रकारको अवस्थाबाट माथि उठौँ। गठबन्धन सरकारलाई मर्यादित ढंगले नै अगाडि बढौँ।’

त्यस्तै दुई ठूला दल मिलेर बनेको केपी ओली नेतृत्वको सरकार राजनीतिक स्थिरताको लागि बनेको बताएका छन्।

उनले भने, ‘यो सरकार गयो गयो भनेर निराशा र अस्थिरता पैदा गरिने प्रयास हुँदैछ। त्यसमा कुनै सत्यता छैन। दुई दलबीचको आपसी समझदारी र सहमतिको आधारमा अघि बढिरहेका छन्। कहीँ कतै समस्या छन् भने राजनीतिक संयन्त्रहरू छन्। असहमति भए त्यहीँ नै समाधान खोजौँ।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

क्यानडाको लिबरल पार्टीले जित्यो चुनाव

दुई दिनमा पाकिस्तान र इरानबाट छ हजारभन्दा बढी अफगान शरणार्थी स्वदेश फिर्ता

प्रधानमन्त्री र मन्त्रीहरुको सम्पत्ति विवरण सार्वजनिक गर्न रास्वपाको माग