चार निर्माण कम्पनी कालोसूचीमा

पूर्वाधार

नेपाल लाइभ बिहीबार, वैशाख ४, २०८२ ०९:५७

काठमाडौं –सरकारले चार वटा निर्माण कम्पनी र आपूर्तिकर्तालाई कालोसूचीमा राखेको छ । सार्वजनिक खरिद अनुगमनको कार्यालयले सूचना जारी गर्दै विभिन्न निकायहरूको सिफारिसको आधारमा चारवटा निर्माण कम्पनी र आपूर्तिकर्तालाई निश्चित समयका लागि कालोसूचीमा राखिएको जानकारी दिएको हो ।

कार्यालयले बिल्ड ब्रदर्स कन्स्ट्रक्सन प्रालि र त्यसका मुख्य व्यक्ति छिरिङ लामा डोङ र पम्बर लामालाई एक वर्षका लागि कालोसूचीमा राखेको छ ।

मकवानपुरको हटिया–१ ठेगाना रहेको एस.एम कन्स्ट्रक्सन र त्यसका मुख्य व्यक्ति सहदेव गौतमलाई १ वर्ष ६ महिना कालोसूचीमा राखिएको छ ।

लमजुङको मध्यनेपाल नगरपालिका–४ स्थित राना फर्निचर सःमिल उद्योग र त्यसका मुख्य व्यक्ति सुकु राना मगरलाई १ वर्ष ६ महिनाका लागि कालोसूचीमा राखिएको छ ।

त्यस्तै सल्यानको शारदा नगरपालिका–८ ठेगाना रहेको गौरीगोमा निर्माण सेवा र त्यसका मुख्य व्यक्ति तुफान सिंह बुढाथोकीलाई एक वर्षका लागि कालोसूचीमा राखिएको कार्यालयले जनाएको छ ।

यो संगै कालोसूचीमा राखिएको अबधीभर ती निर्माण कम्पनी र आपूर्तिकर्ता कुनै पनि खरिद कारबाहीमा भाग लिन पाउने छैनन् ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

असन्तुष्टिका आवाज सम्बोधन गर्ने कानुन बनाउन सबैको प्रतिबद्धता आवश्यक : सभामुख

संघीय संसद्को हिउँदे अधिवेशन सुरु

थाइल्यान्डमा विमान दुर्घटनाग्रस्त भएपछि समुद्रमा खस्यो