जेलेन्स्कीको गृहनगरमै रुसको भीषण आक्रमण, १८ जनाको मृत्यु, सयौँ घाइते

विश्व

नेपाल लाइभ शनिबार, चैत २३, २०८१ १०:११

एजेन्सी –युक्रेनी राष्ट्रपति भालोदोमिर जेलेन्स्कीको गृह नगरमा भएको रुसको भीषण मिसाइल आक्रमणका कारण १८ जनाको ज्यान गएको छ । तीमध्ये कम्तीमा ६ जना बालबालिका छन् । कयौँ घाइते भएका छन् ।

घाइते र मृतकको संख्या बढ्न सक्ने आशंका छ । यो शहर राष्ट्रपति भोलोदिमिर जेलेन्स्कीको गृहनगर हो । रुसी रक्षा मन्त्रालयले भने युक्रेनी सेनाका कमाण्डर र पश्चिमा सहयोगीबीच छलफल भइरहेको एक रेष्टुरेण्ट लाई निशाना बनाएर गरिएको आक्रमणमा ८५ जनाको मृत्यु भएको दाबी गरेको छ ।

युक्रेनले रुसले मानवताविरुद्ध गरेको अपराधको ढाकछोप गर्न यस्तो दाबी गरेको आरोप लगाएको छ । स्थानीय अधिकारीका अनुसार एक आवसीय भवनमा रुसले ब्यालेस्टिक मिसाइल प्रहार गरेको हो ।

राष्ट्रपति जेलेन्स्कीका अनुसार रुसले शुक्रबार खेर्सनमा रहेको ऊर्जा केन्द्रमा लक्षित गरेर आक्रमण गरेको थियो । जेलेन्स्कीले यो आक्रमणलाई घृणाजन्य बताएका छन् ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एम्बुलेन्सबाट लागुऔषध तस्करी

पञ्चायतसँग गणतन्त्रलाई तुलना गरेर अस्थिरता मच्चाउने अपराधी हुन् : शंकर पोखरेल

पूर्व राजालक्षित गगनको टिप्पणी– अबको दशक मिल्काइसकेको पात्रको बारेमा छलफल गर्ने समय होइन