कोहलपुर– बाँकेको कोहलपुरमा रहेको नबिल बैंकमा आगलागी भएको छ। कोहलपुर नगरपालिका–११ मा रहेको बैंकको शाखामा बुधबार बिहान ५ बजे आगलागी भएको हो।
विद्युत्को तार शर्ट भएर आगलागी भएको इलाका प्रहरी कार्यालय कोहलपुरका प्रमुख ऐनबहादुर मल्लले जानकारी दिए।
आगलागीबाट बैंकमा रहेको नगदबाहेक महत्त्वपूर्ण कागजात, इलेक्ट्रोनिक मेसिन, फर्निचर, शाखा प्रमुख बस्ने कोठाका सम्पूर्ण सामान जलेर नष्ट भएका छन्।
कोहलपुर नगरपालिकाको दमकल र स्थानीयको प्रयासमा आधा घण्टामा आगो नियन्त्रणमा लिएको मल्लले जानकारी दिए। क्षतिको विस्तृत विवरण आइनसकेको र अहिले मुचुल्का उठाउने काम भइरहेको प्रहरी प्रमुख मल्लले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1738557849.jpg)
-1749826086.png)
