युभेन्टसको जित

फुटबल

युभेन्टसको जित

नेपाल लाइभ सोमबार, पुस २७, २०७७ ०८:३४

काठमाडौं– इटालियन सिरि ए फुटबलमा साविक विजेता युभेन्टसले जित निकालेको छ। युभेन्टसले सासुओलोलाई ३–१ गोलअन्तरले पराजित गरेको हो।
घरेलु मैदानमा भएको खेलमा युभेन्टसका क्रिस्टियानो रोनाल्डो, आरोन राम्सी र ड्यानिलोले गोल गरे। १० खेलाडीमा सीमित भएको सासुओलोका ग्रगोर डेफ्रेलले गोल फर्काए। खेलको पहिलो हाफको अन्तिम समयमा पेड्रो ओवियाङले रातो कार्ड खाँदै मैदानबाट बाहिरिएपछि सासुओलो १० खेलाडीमा झरेको थियो।

पहिलो हाफसम्म गोलरहित बराबरी खेलेको युभेन्टसले दोस्रो हाफमा तीन गोल गर्दा एक गोल खान पुग्यो। ५० औं मिनेटमा ड्यानिलोले गोल गर्दै युभेन्टसलाई अग्रता दिलाएका थिए। तर ५८ औं मिनेटमा डेफ्रेलले गोल गर्दै १–१ गोलको बराबरीमा पुर्याए। ८२ औं मिनेटमा राम्सी र खेलको अन्तिम समयमा रोनाल्डोले गोल गर्दै युभेन्टसलाई ३–१ गोलको जित दिलाए।

यो जितसँगै युभेन्टस लिगको चौथो स्थानमा उक्लिएको छ। युभेन्टसको १६ खेलबाट ३३ अंक भएको छ। त्यस्तै, लिगको दोस्रो स्थानमा रहेको इन्टर मिलानले लिगको दोस्रो स्थानमा रहेको रोमासँग २–२ गोलको बराबरी खेलेको छ। नापोलीले भने उडिनेसलाई २–१ गोलअन्तरले पराजित गर्दै लिगको छैटौं स्थानमा उक्लिएको छ। यता, लाजियोले भने पर्मालाई २–० ले पराजित गर्न सफल भयो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

जेनेभामा स्वास्थ्य मन्त्री पाैडेलले भने- ‘वैदेशिक विकास सहायता कटौतीले नेपालको मातृशिशु स्वास्थ्यमा समस्या’

दुर्गा प्रसाईंलाई थप ४ दिन हिरासतमा राख्न अदालतको अनुमति

पशुपति क्षेत्र विकास कोषभित्र जुवा खेलिरहेका ७ जना पक्राउ