काठमाडौं- चौरजहारी घटनाबारे अध्ययन गर्न गठित संसदीय समितिले घटनाको मुख्य कारण जातीय विभेदबाट सुरु भएको बताएको छ।
मंगलबार सभामुखलाई बुझाइएको प्रतिवेदनको निष्कर्षमा भनिएको छ- 'प्रेम सम्बन्ध अन्तरजातीय भएकोले केटीका अभिभावक र आफन्तहरुले केटा कथित तल्लो जातको भएकोले अस्वीकार गरेको तसर्थ यो घटना जातीय भेदभाव तथा छुवाछुतको कारणले भएको पाइयो।'
स्थानीय रुपमा कम उमेरमा विवाह गर्ने चलन भएता पनि जातीय भेदभाव र छुवाछुतकै कारणले उनी (नवराज विक र सुष्मा मल्ल)हरूको प्रेम सम्बन्धलाई अस्वीकार गरेको देखिएको र उक्त घटनामा पीडक पक्षका प्रतिवादी वडाध्यक्ष जस्तो जिम्मेवार व्यक्ति, गाउँका अगुवा व्यक्ति तथा आफन्तहरूले अलिकति पनि संयमता अपनाउन नसक्दा जघन्य अपराध भई अपुरणीय क्षति हुन पुगेको समितिले विश्लेषण गरेको छ।
घटना घटित भइरहेको जानकारी सुरक्षाकर्मीले प्राप्त गरेको तर घटनाको प्रकृतिप्रति सुरक्षाकर्मी गम्भीर नभएको देखिएको प्रतिवेदनको निष्कर्ष छ। 'रुकुम पश्चिम चौरजहारी ईलाका प्रहरी कार्यालयका असई सन्तोष लामिछाने र प्रहरी हवल्दार रमेश बस्नेत मोटरसाइकल लिई आएको अवस्थाबाटै प्रहरीले घटनाको गम्भीरता फेहरिस्त एकिन सूचना जानकारी नपाएको वा नलिएको अवस्था प्रष्ट देखिन्छ',प्रतिवेदनमा भनिएको छ, 'प्रहरीहरू घटनास्थलमा पुगेपछि पनि त्यति चासो लिई घटनाको विस्तृत जानकारी लिएको भने देखिदैन।'
गत जेठ १० गते घटेको चौरजहारी घटनामा ६ जना युवाको ज्यान गएको थियो। घटनाको सम्बन्धमा छानबिन गर्न संसदीय समिति गठन गर्नुपर्ने संसदमा माग उठेपछि गत जेठ २६ गते ९ सदस्यीय समिति गठन गरेको थियो। देवेन्द्र पौडेल नेतृत्वको सो समितिले मंगलबार सभामुख अग्निप्रसाद सापकोटालाई प्रतिवेदन बुझाएको हो।
यस्तो छ, संसदीय समितिको प्रतिवेदन
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749826086.png)
-1749801778.jpg)
-1749797959.png)
-1749826086.png)
