घटनास्थल
काठमाडौं- रुपन्देहीको तिलोत्तमा नगरपालिका- १० कान्छिबजारका कृष्ण पुनले सञ्चालन गरेको गंगादेवी पशुफार्ममा कार्यरत पाँच जनाको हत्या आफूले गरेको पक्राउ परेको युवकले स्वीकार गरेका छन्। सुर्खेत घर भई सोही फार्मममा कार्यरत ३१ वर्षीय झकेन्द्र सिंजालीलाई पक्राउ गरिएको थियो।
प्रदेश ५ का डिआइजी रवीन्द्र धानुकका अनुसार ती युवकलाई उक्त फार्म भन्दा केही पर नसामा लट्ठिएर बसेको अवस्थामा पक्राउ गरिएको थियो।
युवकले कोदालाले हानेर हत्या गरेको स्वीकार गरेको धानुकले जानकारी दिए। 'काममा किचकिच गरिरन्थे रिस उठ्यो अनि कोदालाले हानें', युवकले प्रहरीलाई दिएको प्रारम्भिक बयानमा भनेका छन्।
साथै, युवकले मृतक माधव मुसहरलाई केही दिन पहिला नै ज्यान मार्ने धम्की दिएको पाइएको छ।
हत्या गरेको स्वीकार गरे पनि विस्तृत कारण खुलिनसकेको प्रहरीले बताएको छ।
यसैबीच, मृतक पाँचै जनाको परिचय खुलेको छ। उनीहरु रूपन्देही मुगिया बालापुरका ४० वर्षीय माधव मुसहर र उनकी ३७ वर्षीया श्रीमती जानकी मुसहर छिन्। त्यस्तै, रुपन्देहीको तिलोत्तमा-१० का १६ वर्षीय करण चौधरी, १५ वर्षीय आशिष चौधरी र ठेगाना नखुलेका एक १४ वर्षीय पोखराज मुसहर रहेको प्रदेश ५ का डिआइजी रवीन्द्र धानुकले जानकारी दिए।
सम्बन्धितः
रुपन्देहीमा पाँच जनाको सामूहिक हत्या
रुपन्देही पाँच जनाको हत्या आरोपमा एक युवक पक्राउ, नशामा लठ्ठिएको अवस्थामा फेला
रुपन्देही सामूहिक हत्या : मृतकको परिचय खुल्यो, तीन किशोर र श्रीमान्-श्रीमतीको हत्या
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749799271.png)
-1749798928.jpg)
-1749797959.png)
-1749627050.jpg)
-1749627522.jpg)
