काठमाडौं– थर्मल गन कालोबजारीको आरोपमा पक्राउ गरेका उद्योगी सुलभ अग्रवाल विरुद्ध प्रहरीले तीन वर्ष कैदको माग दाबी गर्दै मुद्दा दर्ता गर्ने तयारी गरेको छ।
कालोबजारी, अवैध भण्डारण तथा नाफाखोरी र कृतिम अभाव सिर्जना गरी चार वटा कसुरमा तीन वर्ष कैद माग दाबीको तयारी प्रहरीले गरेको हो। नेपालका लागि किर्गीस्थानका अवैतनिक राजदूत समेत रहेकाले उनीविरुद्ध सार्वजनिक पदको दुरुपयोगको कसुर समेत आकर्षिक हुने प्रहरीले जनाएको छ। सार्वजनिक पदको दुरुपयोग गरेर अपराध गरेमा डेढी सजाय हुने व्यवस्था छ।
अग्रवालविरुद्धको अनुसन्धान सकिएको र अब सरकारी वकिल कार्यालय मार्फत जिल्ला प्रशासन कार्यालयमा मुद्दा दायर गर्ने तयारी गरिएको महानगरीय प्रहरी परिसर काठमाडौंका एसपी सोमेन्द्र सिंह राठौंरले जानकारी दिए।
कालोबजारीमा एक वर्षसम्म कैद, सार्वजनिक पदको दुरुपयोग गरी अपराध गरे हुने डेढी सजाय, अवैध भण्डारण तथा नाफाखोरीमा एक वर्ष, कृतिम अभाव सिर्जनामा एक वर्ष कैद हुने व्यवस्था छ। त्यस्तै उनीविरुद्ध १५ लाख रुपैयाँ बढी बिगो मागदाबी हुनेछ।
गत चैत २५ महानगरीय प्रहरी अपराध महाशाखाले नक्सालबाट ६७ वटा थर्मल गन कालोबजारी गरेर महँगोमा बेच्न लागेको बेला उनी पक्राउ परेका थिए। प्रहरी आफैं ग्राहक बनेर थर्मल गन किन्न पुगेको थियो। २४ सयमा चीनबाट ल्याएको थर्मल गन उनले १५ हजार रुपैयाँमा बेच्न लागेका थिए।
प्रहरीले कुटनीतिक नियोगको गाडीसहित अग्रवाललाई त्यसबेला पक्राउ गरेको थियो। अनुसन्धानका क्रममा चीनबाट अग्रवालले १२ सय थान थर्मल गन ल्याएको पुष्टि भए पनि उनले बाँकी थर्मल गन के गरे भन्ने प्रहरीले अहिलेसम्म पत्ता लगाउन सकेको छैन।
अग्रवालविरुद्ध पहिलो पटक ७ दिन, दोस्रो पटक ५ दिन र तेस्रो पटक १० दिन गरी २२ दिनको म्याद थप गरेर अनुसन्धान गरिएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749953645.jpg)
-1749801778.jpg)
-1749797959.png)
-1749826086.png)
