काठमाडौं- कोरोना भाइरस (कोभिड १९)को संक्रमण नदेखिए पनि यसले नेपाली अर्थतन्त्रमा प्रत्यक्ष प्रभाव पारिसकेको छ। कोरोनाकै कारण नेपाल भ्रमण वर्ष २०२० स्थगित गरिएको छ। पर्यटन क्षेत्रमा यसको नकारात्मक प्रभाव पारिसकेको छ।
अर्थतन्त्रमा पर्ने प्रभावका विषयमा नेपाल लाइभले आइतबार विशेष सामग्री प्रकाशित गरेको छ। कोरोना भाइरसले अर्थतन्त्रको वृद्धिदर प्रभावित पार्ने विश्लेषण भएको छ। यसैगरी गरिबी बढाउने पनि अर्थशास्त्रीहरुले बताएका छन्। विस्तृतमा : अर्थतन्त्रमा कोरोना प्रभाव
राष्ट्रिय योजना आयोगका पूर्वउपाध्यक्ष डा मीनबहादुर श्रेष्ठले अर्थतन्त्र 'कोल्याप्स' नहुने बताएका छन्। नेपाल लाइभसँगको अन्तर्वार्तामा लक्ष्यअनुसार आर्थिक वृद्धि नभए पनि अर्थतन्त्र ध्वस्त नहुने उनको भनाइ छ। विस्तृतमा : कोरोनाले अर्थतन्त्रमा असर गरेपनि कोल्याप्स नै चाहिँ हुँदैन : डा मीनबहादुर श्रेष्ठ [अन्तर्वार्ता]
नेपाल उद्योग वाणिज्य महासंघका पूर्वअध्यक्ष पशुपति मुरारकाले कोरोनाले औद्योगिक गतिविधिदेखि व्यापारसम्म अवरुद्ध पार्ने उल्लेख गरेका छन्। आफ्नो विचार प्रस्तुत गर्दै उनले अर्थतन्त्रको चक्रमा नै प्रभाव पारेको बताए।
विस्तृतमा : उद्योगदेखि विकास निर्माणसम्म संकट देखिएको छ
कोरोनाले आर्थिक गतिविधि ठप्प हुँदा रोजगारीको अवसर गुम्न थालेको छ। नेपालमा मात्रै होइन विदेशमा पनि रोजगारी गुमाउनेको संख्या बढेको छ। विस्तृतमा : स्वदेशमा बिक्नै छाड्यो पसिना, परदेशको बाटो बन्द
नेपाल नागरिक उड्डयन प्राधिकरणका पूर्व महानिर्देशक सञ्जीव गौतमले कोरोनाका कारण साना वायुसेवा कम्पनीको अस्तित्व नै समाप्त हुन सक्ने चेतावनी दिएका छन्। उनले आफ्नो लेखमार्फत यस्तो विचार राखेका हुन्। विस्तृतमा : साना वायुसेवा कम्पनीको अस्तित्व समाप्त हुनसक्छ
नेपाल पर्यटन बोर्डका पूर्वप्रमुख कार्यकारी अधिकृत प्रचण्डमान श्रेष्ठले कोरोनाले कति असर गर्छ भन्ने अझै यकिन नभएको बताएका छन्। उनले देशको कूल गार्हस्थ उत्पादनमा पर्यटनको योगदान कम छ भन्दैमा यसको बेवास्ता गर्न नमिल्ने बताएका छन्। विस्तृतमा : जिडिपीमा पर्यटन क्षेत्रको योगदान कम छ भनेर बेवास्ता गर्न मिल्दैन
प्रभु बैंकका प्रमुख कार्यकारी अधिकृत अशोक शेरचनले तथ्यांकसहितको लेख लेखेका छन्। उनले कोरोनाले पर्यटनमा पार्ने प्रभाव यसरी प्रस्तुत गरे: पर्यटन क्षेत्रमा कोरोनाको प्रभाव देखिइसक्यो
कोरोनाले ऋण विस्तारदेखि वित्तीय गतिविधिमा प्रभाव पार्न थालेको छ। यसको समाधानका लागि बैंकरहरुले राहत प्याकेजको माग गरेका छन्। विस्तृतमा : कोरोनाको 'चेन इफेक्ट' बैंकिङ क्षेत्रमा, राहतका प्याकेज नल्याए समस्यामा पर्ने
अर्थतन्त्रको सबै पक्ष जस्तै अटोमोबाइल क्षेत्र पनि कोरोना भाइरसको प्रत्यक्ष प्रभाव पर्ने नाडा अटोमोबाइल्स एसोसिएसन अफ नेपालका अध्यक्ष कृष्णप्रसाद दुलालको भनाइ छ। ‘जति कोरोनाको प्रभाव देखिएको छ त्यो भन्दा बढी हल्ला भएको छ,’ उनले भने, ‘सरकारले कोरोना आउनसक्ने सम्भावित बाटोहरुमा सावधानी अपनाउँदै आन्तरिक अर्थतन्त्रलाई चलायमान बनाउन तर्फ लाग्नु पर्छ।’ विस्तृतमा : अटो सोरुम पुग्नै छोडे ग्राहक
पछिल्लो समय कोरोना कहरले विश्व नै आक्रान्त छ। विश्व बजारमा नै यसको नकारात्मक प्रभाव छ। नेपालको उपभोक्ता बजारमा पनि असर देखिन थालिसकेको छ। बजारको पछिल्लो अवस्थाबारे सरोकारवाला निकायका प्रतिनिधिसँग नेपाल लाइभले गरेको कुराकानी। विस्तृतमा : उपभोक्ता बजारमा कोरोना सन्त्रासको अवस्था के छ?
कोरोनाको प्रभावका विषयमा आइतबार नै अर्थमन्त्री डा युवराज खतिवडाले उद्योगी व्यवसायीसँग अर्थ मन्त्रालयमा छलफल गरेका छन्। कोरोनाले आर्थिक संकट निम्त्याउन सक्ने भन्दै व्यवसायीले चिन्ता व्यक्त गरेका छन्। नेपाल उद्योग वाणिज्य महासंघको तर्फबाट आफ्नो धारणा राख्दै बरिष्ठ उपाध्यक्ष शेखर गोल्छाले कोरोनाले अर्थतन्त्रमा पार्न सक्ने प्रभावबारे अल्पकालीन् र दीर्घकालीन् रणनीति तय गरेर अघि बढ्नुपर्ने उल्लेख गरे। विस्तृतमा :अर्थमन्त्रीसमक्ष व्यवसायीको प्रस्ताव : तत्काल आर्थिक संकट घोषणा गरौँ
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749307650.png)
-1749200817.png)
