प्याेङयाङ- उत्तर कोरियामा यस शताब्दीकै सबैभन्दा ठूलो खडेरी परेको छ। यसबाट यहाँको जनजीवन नराम्ररी प्रभावित हुने बताइएको छ।
खडेरीका कारण यहाँका धेरै नागरिक प्रभावित भएका र थप हुनसक्ने भन्दै यसप्रति विश्व खाद्य कार्यक्रमले पनि गहिरो चासो व्यक्त गरेको छ। 'उत्तर काेरियामा सिर्जित अवस्थाको बारेमा हामीले गम्भीर चासो लिएका छौँ,' विश्व खाद्य कार्यक्रमका एकजना अधिकारीले बताए। त्यहाँ खाद्यान्नको चरम संकट हुनसक्ने उनीहरुले जनाएका छन्।
उत्तर कोरियाले विगतमा गर्ने गरेका आणविक परीक्षणका कारण उसमाथि कडा खालका आर्थिक लगायतका नाकाबन्दीहरु लगाइएको छ। अर्कातर्फ यहाँ खडेरीका कारण खाद्यान्न अभाव हुनसक्ने भएकोले यसप्रति आफूहरु संयमित भएको ऊक्त कार्यत्रमका अधिकारीले जनाएका छन्।
नाकाबन्दीका कारण विगतमा पनि उत्तर कोरियाले खाद्यान्न संकट व्यहोर्नुपरेको थियाे। यसपटक खडेरी नै परेकोले उनीहरुलाई खाद्यान्न संकट पर्नसक्ने अनुमान गरिएको छ। यस प्राकृतिक प्रकोपका कारण अन्न उत्पादनमा करिब पाँच लाख टन कमी आउने अनुमान गरिएको छ। त्यसैगरी कृषि उपजको कमी आउने र सिँचाइको प्रबन्धको कमीका कारण खाद्य उत्पादनमा समस्या उत्पन्न हुने अनुमान गरिएको छ।
यस वर्ष उत्तर कोरियामा सन् १९१७ यताकै सबैभन्दा थोरै पानी परेको छ। वर्षभरमा गत बुधबार ५६.३ मिलीलिटर मात्र पानी परेको थियो। जुन सन् १९१७ यताकै सबैभन्दा थोरै पानी परेको वर्षका रुपमा लिन सकिन्छ।
यहाँको एक सरकारी पत्रिकाले खडेरीका कारण गहुँ, मकै, आलु, सिमी तथा अन्य खाद्यान्न बाली लगाउने समय पनि गुज्रिएकोले अब बिस्तारै खाद्यान्न संकटको समस्या देखिँदै जाने जनाएको छ।
उक्त पत्रिकाले विश्व खाद्य कार्यत्रम र संयुक्त राष्ट्रसंघलाई उद्धृत गर्दै जनाएअनुसार यहाँका करिब एक करोड नागरिकले खाद्यान्न संकटको सामना गरिरहेका छन्। यो यस शताब्दिकै सबैभन्दा ठूलो खडेरीको अवस्था हो र यसबाट उत्तर कोरियाका करिब ४० प्रतिशत नागरिकले यस्तो समस्या भोगिरहेको जनाइएको छ।
तर, उत्तर कोरियाले भने विश्व समुदायप्रति तिक्तता पोखेको छ। उसले वर्षौंदेखि आफ्नो आणविक कार्यक्रमको मात्र विरोध गर्ने गरेका र आफ्नो खाद्यान्न समस्याको बारेमा नसोचेको बताएको छ। रासस/एएफपी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749826086.png)
