एजेन्सी – अमेरिकी राष्ट्रपति डोनाल्ड ट्रम्पले क्यानडासँगको व्यापार वार्ता ‘तुरुन्तै’ अन्त्य गर्ने बताएका छन् । अमेरिका र क्यानडा जुलाईको मध्यसम्ममा व्यापार सम्झौतामा सहमति जनाउने दिशामा काम गरिरहेका बेला राष्ट्रपति ट्रम्पले व्यापार वार्ता ‘तुरुन्तै’ अन्त्य गर्ने बताएका हुन् ।
क्यानडाले अमेरिकी प्राविधिक कम्पनीहरूलाई लक्षित गरेर कर लगाउने तयारी गरिरहेको ट्रम्पले बताए । अमेरिकी राष्ट्रपतिले टेक कम्पनीहरूमा लगाइएको उच्च करका कारण वार्ता समाप्त गर्ने बताए । यस वर्षको शुरूमा अमेरिकी राष्ट्रपतिको कार्यभार सम्हालेदेखि ट्रम्पले व्यापार युद्धु शुरू गरेका छन् । त्यसबेलादेखि दुवै देशले एकअर्काको सामानमा कर लगाएका छन् ।
ट्रम्पले अर्को हप्ता नयाँ शुल्क लगाउने घोषणा पनि गर्ने बताए । ट्रम्पले ट्रुथ सोसियलमा लेखे, ‘हामी क्यानडासँगको व्यापार सम्बन्धी सबै छलफलहरू तुरुन्तै प्रभावबाट समाप्त गर्दैछौं । हामी क्यानडालाई अमेरिकासँग व्यापार गर्दा कति कर तिर्नुपर्नेछ भनेर अर्को सात दिन भित्र बताउनेछौं ।’ यद्यपि, क्यानडाका प्रधानमन्त्री मार्क कार्नीले अमेरिकासँग वार्ता जारी राख्ने संकेत गरेका छन् ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749826086.png)
