इजरायल र हमासबीच कतारको दोहामा वार्ता सुरु

विश्व

नेपाल लाइभ आइतबार, जेठ ४, २०८२ १०:२०

एजेन्सी – इजरायल र हमासबीच गाजा संकट अन्त्यका बिषयमा कतारको दोहामा वार्ता सुरु भएको छ । इजरायली सेनाले प्यालेस्टिनी लडाकू समूहलाई परास्त गर्ने उद्देश्यले गाजा पट्टीमा युद्धको विस्तारको हिस्सा भएको भन्दै गाजामा नयाँ आक्रमण सुरु गरेको बेला वार्ता अघि बढेको हो ।

अन्तर्राष्ट्रिय सञ्चार माध्यमका अनुसार हमासका प्रतिनिधि ताहेर अल नुनुले कुनै पनि पक्षबाट कुनै पूर्वसर्त बिना सुरु भएको बताएका छन । हमासले विशेष गरी युद्धको अन्त्य, गाजाबाट इजरायली सेनाको फिर्ता र कैदी आदानप्रदान सबै मुद्दामा छलफल गर्ने बताइएको छ । दोहामा रहेको हमास प्रतिनिधिमण्डलले बन्धक सम्झौतामा वार्तामा फर्कने घोषणा गरेको छ ।

इजरायलले गाजामा खाद्यान्न, स्वच्छ पानी, इन्धन र औषधिको चरम अभाव सिर्जना गरेको संयुक्त राष्ट्रसंघीय निकायले चेतावनी दिएको क्षेत्रमा इजरायलले पूर्ण रूपमा सहायता नाकावन्दी लगाएपछि पुनः लडाइँ शुुरु भएको हो ।

इजरायली रक्षा मन्त्री इजरायल काट्जले हमासलाई पुनः वार्ताको टेबलमा ल्याउनुको श्रेय गाजामा पछिल्ला दिनमा बिस्तार गरिएको तीव्र अभियान भएको दाबी गरेका छन् ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

शिक्षा उपसमितिले विद्यालय शिक्षा विधेयकको प्रतिवेदन शिक्षा समितिलाई बुझायो

सुदूरपश्चिममा नाउपाबाट रामेश्वर चौधरी मन्त्री नियुक्त

दुर्गा प्रसाईंलाई थप ४ दिन हिरासतमा राख्न अनुमति