पाँचथर– पाँचथरमा पहिरोले पुरेर आमाछोरीसहित हालसम्म तीन जनाको मृत्यु भएको छ। फिदिम १ र ४ मा मा ३ जनाले ज्यान गुमाएका छन् भने ५ जना बेपत्ता छन्।
फिदिम-१ मा गएको पहिरोमा परि स्थानीय ५० वर्षका गोपी विश्वकर्माको निधन भएको छ। यस्तै फिदिम ४ मा आदीवासी जनजाती महासंघको भवन सँगै रहेको घरमा सुतिरहेका बखत खसेको पहिरो ले पुर्दा फिदिम १२ की २४ वर्षीया सपना र उनकी ५ वर्षीया छोरी डोल्मा शर्पाको घट्नास्थलमै मृत्यु भएको हो।
फिदिम-१ फेमेखोला नजिकै पहिरो जाँदा कृष्ण दाश, कमला दाश, राजेश तुम्बापो,उनकी श्रीमती सरस्वती तुम्बापो र धनकुमार तुम्बापो बेपत्ता रहेको प्रहरीले जनाएको छ।
यसैबीच मेची राजमार्गमा रहेको हेवा खोलामा अवस्थित बेलिब्रिज पनि बाढीले बगाएको छ। गत वर्ष असार २ गते आएको बाढीका कारण त्यहााको पक्की पुल बगेपछि संघीय सरकारले उक्त पुल निर्माण गरेको थियो। पुल बगेसँगै ताप्लेजुङ सहित पाँचथर जिल्लाका हिलिहाङ र याङवरक गाउॅपालिका सडक सम्पर्क विच्छेद भएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749801778.jpg)
-1749797959.png)
-1749979333-1749983311.jpg)
-1749826086.png)
