काठमाडौं–११ जिल्ला रहेको गण्डकी प्रदेशमा कास्कीको पोखरा महानगरपालिका बाहेक सबै स्थानीय तहको अन्तिम नतिजा सार्वजनिक भएको छ। पोखरा महानगरमा मतगणना अन्तिमतिर पुगेको छ।
८५ स्थानीय तह रहेको यो प्रदेशमा नेपाली कांग्रेस पहिलो पार्टी बनेको छ। तर, २०७४को भन्दा खस्केको छ। माओवादी केन्द्रले भने आफूलाई सुधार गरेको छ।
८४ पालिकाको नतिजा आउँदा नेपाली कांग्रेसले ३६ पालिका जितेको छ। नेकपा एमालेले अघिल्लोभन्दा यसपटकको निर्वाचनमा आफ्नो स्थिति सुधार गरेको छ। अघिल्लो पटक ३४ पालिका प्रमुख जितेकामा अहिले ३५ पुर्याएको छ। माओवादीले ११ पालिकामा जित हात पारेको छ।
यसपटक माओवादीले गोरखामा एकलौटी रूपमा जिल्ला समन्वय समिति पाउने गरी बहुमत पाएको छ। २२ मत रहेको उक्त जिल्लामा प्रमुख ९ र उपप्रमुख ६ मा जित हात पार्दै माओवादी एक्लैले २२ मताधिकार पाएको छ। नेकपा एमाले गोरखामा शून्य पदाधिकारी जितेको छ।
त्यस्तै लमजुङमा एमालेले एक्लै जिसस बनाउन सक्ने भएको छ। १६ मत रहेको उक्त जिल्लामा एमालेले ४ प्रमुख र ५ उपप्रमुख जित हात पार्दै ९ मत सुरक्षित गरेको छ। कास्कीमा पनि एमालेले एकल रूपमा जिसस बनाउन पाउने देखिएको छ। कास्कीमा १० मत रहेकोमा एमालेले प्रमुखमा २ र उपप्रमुखमा ३ गर्दै ५ मत पाएको छ।
नेपाली कांग्रेस र एकीकृत समाजवादी मिलेर ३ मतमात्र हुने भएपछि एमालेले एकल रूपमा बनाउन सक्ने देखिएको हो। मुस्ताङमा पनि एमालले एकल बनाउने देखिएको छ। १० मत रहेको मुस्ताङमा एमालेले ४ प्रमुख र ३ उपप्रमुख जितेको छ। ७ मतभार भएका कारण एमालेले उक्त जिसस एकलौटी बनाउन सक्ने देखिएको हो।
म्याग्दीमा पनि एमालेले एकल बनाउन सक्ने देखिएको छ। १२ मतभार रहेको म्याग्दीमा एमालेले एकल ४ प्रमुख र ३ उपप्रमुख गरी ७ मतको अधिकार पाएको छ।
बाग्लुङमा भने नेपाली कांग्रेसले एकल रूपमा बनाउन पाउने भएको छ। २० मतभार रहेको बाग्लुङमा नेपाली कांग्रेसले ६ प्रमुख र ६ उपप्रमुख गरी १२ मत पाएको छ। त्यस्तै नवलपरासी पूर्वमा पनि एमालेले एकल रूपमा बनाउन सक्ने देखिएको छ।
१६ मतभार रहेको उक्त जिल्लामा एमालेले ६ प्रमुख र ५ उपप्रमुखमा जित हात पार्दै ११ मतको अधिकार पाएको छ। नेपाली कांग्रेसले ५ मतभार मात्र प्राप्त गरेको छ।
माओवादीले गोरखामा एकल बनाउन सक्ने देखिएको छ। गोरखाको २२ मतभार रहेकोमा माओवादी केन्द्रले १५ मतभार पाएको छ। माओवादी केन्द्रले ९ प्रमुख र ६ उपप्रमुख पाएको छ। त्यस्तै बाग्लुङमा नेपाली कांग्रेसले एकल बनाउन सक्ने देखिएको छ। बाग्लुङमा २० मतभार रहेकोमा नेपाली कांग्रेसले प्रमुख र उपप्रमुखमा ६/६ गरी १२ मत पाएको छ।
कति पद हुन्छ जिससमा ?
नेपालको संविधानको धारा २२० मा जिल्ला सभा र जिल्ला समन्वय समितिको व्यवस्थाबारे उल्लेख गरिएको छ। जिल्लाभित्रका गाउँपालिका र नगरपालिकाहरूका बीचमा समन्वय गर्न एक जिल्ला सभा रहने संविधानको उक्त धारामा उल्लेख छ।
जिल्ला सभामा एकजना प्रमुख, एकजना उपप्रमुख ,कम्तिमा तीनजना महिला र कम्तिमा एकजना दलित वा अल्पसंख्यकसहित बढीमा नौ जना सदस्य रहेको जिल्ला समन्वय समितिको निर्वाचन गर्ने संविधानमा उल्लेख छ।
यसरी उम्मेदबार हुने व्यक्ति गाउँ सभा वा नगरसभाको सदस्य हुनुपर्ने छ। जिल्ला समन्वय समितिको प्रमुख, उपप्रमुख वा सदस्य पदमा निर्वाचित भएका त्यस्तो व्यक्तिको गाउँसभा वा नगरसभाको सदस्य पद स्वत रिक्त हुने व्यवस्था छ।
यस्तो छ जिल्लागत तथ्यांक
१.गोरखा २२ मत माओवादी एकल
नेपाली कांग्रेस–७ : प्रमुख–२, उपप्रमुख–५
माओवादी केन्द्र–१५ : प्रमुख–९, उपप्रमुख–६
२. लमजुङ १६ मत एमाले एकल
नेपाली कांग्रेस–५ : प्रमुख–४, उपप्रमुख–१
नेकपा एमाले–९ : प्रमुख–४, उपप्रमुख–५
माओवादी केन्द्र : उपप्रमुख–२
३.तनहुँ २० मत तालमेल
नेपाली कांग्रेस–१० : प्रमुख–५, उपप्रमुख–५
नेकपा एमाले–६ : प्रमुख–४, उपप्रमुख–२
माओवादी केन्द्र–४ : प्रमुख–१, उपप्रमुख–३
४.स्याङ्गजा २२ मत बराबर
नेपाली कांग्रेस–११ : प्रमुख–५, उपप्रमुख–६
नेकपा एमाले–११ : प्रमुख–६, उपप्रमुख–५
५.कास्की १० एमाले एकल
नेपाली कांग्रेस–३ : प्रमुख–२, उपप्रमुख–१
नेकपा एमाले–५ : प्रमुख–२, उपप्रमुख–३
एकीकृत समाजवादी : प्रमुख–१
६.मनाङ ८ मत तालमेल
नेपाली कांग्रेस–३ : प्रमुख–२, उपप्रमुख–१
नेकपा एमाले–३ : प्रमुख–२, उपप्रमुख–१
माओवादी : उपप्रमुख–१
७.मुस्ताङ १० एमाले एकल
नेपाली कांग्रेस–३ : प्रमुख–१, उपप्रमुख–२
नेकपा एमाले–७ : प्रमुख–४, उपपप्रमुख–३
८.पर्वत १४ तालमेल
नेपाली कांग्रेस–५ : प्रमुख–५, उपप्रमुख–०
नेकपा एमाले–७ : प्रमुख–२, उपप्रमुख–५
माओवादी केन्द्र–२ : प्रमुख–०, उपप्रमुख–२
९. म्याग्दी १२ एमाले एकल
नेपाली कांग्रेस–३ : प्रमुख–२, उपप्रमुख–१
नेकपा एमाले–७ : प्रमुख–४, उपप्रमुख–३
माओवादी केन्द्र–२ : प्रमुख–०, उपप्रमुख–२
१०.बाग्लुङ २० नेपाली कांग्रेस एकल
नेपाली कांग्रेस–१२ : प्रमुख–६ उपप्रमुख–६
नेकपा एमाले–१ : प्रमुख–१, उपप्रमुख–०
माओवादी केन्द्र–४ : प्रमुख–१, उपप्रमुख–३
अन्य–३ : प्रमुख–२, उपप्रमुख–१
११. नवलपरासी पूर्व १६ मत एमाले एकल
नेपाली कांग्रेस–५ : प्रमुख–२, उपप्रमुख–३
नेकपा एमाले–११ : प्रमुख–६, उपप्रमुख–५
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
