काठमाडौं–लुम्बिनी प्रदेशका १२ जिल्लाका १ सय ९ पालिकामध्ये १ सय ४ वटा पलिकाको अन्तिम मतपरिणम सार्वजनिक भइसकेको छ। जसमा, ४६ वटा पालिकामा नेपाली कांग्रेसले जितेको छ।
एमाले र माओवादी केन्द्रले समान २५ पालिका जितेका छन्। त्यस्तै, जनता समाजवादी पार्टीले ३, राष्ट्रिय जनमोर्चाले २, लोकतान्त्रिक समाजवादी पार्टी, जनता प्रगतीशील पार्टी र राष्ट्रिय प्रजातन्त्र पार्टीले समान एक–एक पालिकामा जित प्राप्त गरेका छन्। बाँकी पाँच पालिकाको मतगणना जारी छ।
मतगणना जारी भएको पालिकामा पाल्पाको रम्भा गाउँपालिका, रुपन्देहीको कोटहीमाई गाउँपालिका र तिलोत्तमा नगरपालिका, कपिलवस्तुको महाराजगन्ज नगरपालिका र दाङको तुलसीपुर उपमहानगरपालिका रहेका छन्।
कांग्रेसले गुल्मीका पाँच, पाल्पाका तीन, अर्घाखाँचीका दुई, रुपन्देहीका नौ, कपिलवस्तुका तीन, प्यूठानका तीन, रोल्पाका दुई, दाङका पाँच, बर्दियाका पाँच, बाँकेका छ र नवलपरासी (पश्चिम)का तीन पालिकासहित ४५ पालिकामा नेतृत्व लिन सफल भएको छ।
०७४ को स्थानीय तहको निर्वाचनमा कांग्रेसले ३३ स्थानमा जित हासिल गरेको थियो। ०७४ को निर्वाचनमा कांग्रेसले गुल्मीमा चार, पाल्पामा चार, अर्घाखाँचीमा चार, रुपन्देहीमा दुई, कपिलवस्तुमा पाँच, प्यूठानमा तीन, रोल्पामा एक, दाङमा तीन, बर्दियामा दुई, बाँकेमा दुई, र नवलपरासी (पश्चिम)मा तीन पालिका जितेको थियो।
त्यस्तै एमाले गुल्मीका तीन, पाल्पाका पाँच, अर्घाखाँचीका तीन, रुपन्देहीका तीन, कपिलवस्तुका तीन, प्यूठानका दुई, रोल्पा, दाङ र बर्दियामा समान एक÷एक पालिका र नवलपरासी (पश्चिम)का तीन पालिकामा निर्वाचित भएको छ।
०७४को निर्वाचनमा एमालेले ४३ स्थानमा जित प्राप्त गरेको थियो। एमालेले दाङमा पाँच, गुल्मी र रुपन्देहीमा समान चार÷चार, बर्दियामा दुई, पाल्पा/कपिलवस्तु/प्यूठानमा समान एक/एक पालिका गुमाएको छ। र चार पालिका जितेको बाँकेमा एक सिट पनि जित हासिल गर्न सकेन। यद्यपि अर्घाखाँचीमा दुई र नवलपरासी (पश्चिम) र कपिलवस्तुमा एक/एक पालिका भने थप्न सफल भएको छ।
माओवादी केन्द्र गुल्मीका चार, प्यूठानका तीन, रोल्पाका सात, दाङका तीन, बर्दियाका दुई, पाल्पा/बाँके/नवलपरासी (पश्चिम)का समान एक/एक, र पूर्वी रुकुमका तीन पालिकामा निर्वाचित भएको छ। ०७४को स्थानीय तहको निर्वाचनमा माओवादी केन्द्रले १९ पालिकाको नेतृत्व पाएको थियो।
बैशाख ३० को निर्वाचनमा यो पार्टीले गुल्मी/अर्घाखाची/रुपन्देही/प्यूठान/दाङ/नवलपरासी(पश्चिम)मा समान एक/एक पालिकामा जित हासिल गरेको थियो।
त्यस्तै, रोल्पामा सात, बर्दियामा तीन र रुकुम पूर्वमा तीन पालिका जितेको थियो। बैशाख ३० को निर्वाचनमा अर्घाखाँची/रुपन्देही/कपिलवस्तुमा भने माओवादीले खाता खोल्नै सकेन।
यिबाहेक ०७४ को स्थानीय तहको निर्वाचनमा संघीय समाजवादी फोरमले छ पालिकामा जित निकालेको थियो। र मधेशी जनअधिकार फोरमले दुई पालिका जितेको थियो।
संघीय समाजवादी फोरम पार्टी अरु पार्टीसँग एकीकरण गरेर अहिले जनता समाजवादी पार्टीको रुपमा रहेको छ। जसपाले यसपटकको निर्वाचनमा रुपन्देही, बाँके र कपिलवस्तुका एक÷एक पालिकामा जित प्राप्त गरेको छ।
त्यस्तै, राप्रपा र लोकतान्त्रिक समाजवादी पार्टीले कपिलवस्तुमा एक/एक पालिकाको नेतृत्वमा लिन सफल भएका छन् । राष्ट्रिय जनमोर्चाले प्यूठान र अर्घाखाँचीमा एक/एक पालिका जितेको छ।
०७४को निर्वाचनमा राप्रपाले बाँकेमा एक र प्यूठानमा राष्ट्रिय जनमोर्चाले दुई पालिका प्रमुख जितेको थिए । उल्लेखित, मत परीणामले ०७४ को निर्वाचनको तुलनामा एमालेले १८ वटा पालिकाको प्रमुखबाट बाहिरिनुपरेको छ ।
यद्यपि बाँकी रहेका पाँच पालिकाको अन्तिम परीणामले सामान्य परिवर्तन ल्याए पनि लुम्बिनी प्रदेशको करिब ४३५ पालिकाको नेतृत्वमा जित हासिल गरेर कांग्रेस ठूलो पार्टी बनेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
