प्रचण्डले आफूनिकट नेतासँग भने- ओलीले अब मिलेर पार्टी चलाउन सकिँदैन भन्नुभयो

राजनीति

नेपाल लाइभ आइतबार, कात्तिक १६, २०७७ १८:१८

ओली प्रचण्डबीच भएको भेटको फाइल तस्बिर।

काठमाडौं- नेकपा कार्यकारी अध्यक्ष पुष्पकमल दाहाल 'प्रचण्ड'ले प्रधानमन्त्री केपी शर्मा ओलीसँगको भेटका विषयमा आफू निकट नेताहरुसँग छलफल गरेका छन्। उक्त छलफलमा प्रधानमन्त्री ओलीले पार्टी फुटाउने संकेत गरेको प्रचण्डले आफूलाई ब्रिफिङ गरेको नेकपा प्रवक्ता नारायणकाजी श्रेष्ठले बताएका छन्।

भेटका क्रममा भएको कुरालाई लिएर प्रचण्डले खुमलटारमा आइतबार बिहान आफूनिकट नेताहरुलाई सुनाएका थिए। प्रचण्डको भनाइ उद्धृत गर्दै प्रवक्ता श्रेष्ठले भने, ‘तपाईंको बहुमतको निर्णय भन्नुहुन्छ। के भन्नुहुन्छ। त्यो गर्न सकिएन। अब अलग–अलग पार्टी चलाऔं। सँगै बसेर काम गर्न सकिएन।’

ओलीले आफूसँगको भेटमा सबै कुरामा बहुमतको निर्णय मान्नुपर्ने आवश्यकता नठानेको पनि बताएको प्रचण्डले नेताहरुलाई ब्रिफिङमा भनेका छन्। आफूले चाहिँ नमिलेको विषयमा छलफल गर्न सकिने तर त्यो अवस्था जान नहुने बताएको प्रचण्डले बिफ्रिङका क्रममा बताएको श्रेष्ठको भनाइ छ।

उक्त छलफलमा ९ जना सचिवालय सदस्यमध्ये ६ जना बिहान ११ बजे नै खुमलटार पुगेका थिए। छलफलमा वरिष्ठ नेता माधव नेपाल, झलनाख खनाल, वामदेव गौतम, नारायणकाजी श्रेष्ठ, रामबहादुर थापालगायत सहभागी थिए।

भेलामा कर्णालीको विषयलाई तत्काल थाती राख्ने निर्णय समेत भएको थियो। मन्त्रीमण्डल पुनः गठन गर्दा विवाद चर्किने भएकाले अहिलेलाई त्यो स्थगित गर्ने सहमति भएको प्रवक्ता श्रेष्ठले बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

डिजिटल चीन निर्माणको कार्ययोजना सार्वजनिक

हिमाल जोगाउने सत्प्रयास : सगरमाथा संवाद

काभ्रेका तीन स्थानीय तह पूर्ण खोप सुनिश्चित