उपप्राध्यापक प्रेम चलाउने। उनीलाई आक्रमण गर्ने दुई जना पक्राउ परेका छन्।
काठमाडौं- त्रिभुवन विश्वविद्यालय समाजशास्त्र विभागका उपप्राध्यापक प्रेम चलाउनेमाथि आक्रमण गर्ने दुई जना पक्राउ गरेका छन्। आइतबार महानगरीय प्रहरी परिसर काठमाडौंको विशेष टोलीले उपप्राध्यापक चलाउनेलाई कुटपिट गर्ने दुई जनालाई पक्राउ गरेको हो।
परिसर स्रोतका अनुसार एक जनालाई सूर्यविनायकबाट पक्राउ गरिएको हो भने अर्का एक जना सिरहाबाट पक्राउ परेका हुन्। सिरहाबाट पक्राउ परेकालाई काठमाडौं ल्याइदै गरेको स्रोतले नेपाल लाइभलाई जानकारी दियो।
सिरहाबाट रविन लामा पक्राउ परेका हुन् भने सूर्यविनायकबाट रुपेश साह। रविन र रुपेश दुवै जना नेविसंघको राजनीति पनि गर्दै आएको प्रहरी स्रोतले नेपाल लाइभलाई जानकारी दियो। राजधानीकै टेक्सास कलेजमा अध्ययनरत उनीहरूले त्रिविका उपप्राध्याकलाई आक्रमण गरेकाले उनीहरूलाई कसैले लगाएको हुनसक्ने प्रहरीको अनुमान छ। यस सम्बन्धमा अनुसन्धान भइरहेको प्रहरीले जनाएको छ।
त्रिविमा अध्यापनरत चलाउनेमाथि यही असोज २० गते कुटपिट भएको थियो। कुटपिटबाट गम्भीर घाइते चलाउनेको ललितपुरस्थित मेडिसिटी अस्पतालमा उपचार भइरहेको छ। उनको टाउको, खुट्टा र शरीरका विभिन्न भागमा चोट लागेको छ।
त्रिवि परिसरमै रहेको नेपाल बैंक लिमिटेडको शाखा कार्यालयबाट विभागतर्फ गइरहेका उपप्राध्यापक चलाउनेमाथि आक्रमण भएको थियो। त्यसबेला दुई वटा मोटरसाइकलमा आएका व्यक्तिहरुले उनीमाथि रडले आक्रमण गरेका थिए।
विज्ञप्तिमा नेपाल विद्यार्थी संघका नाममा केही समयदेखि तालाबन्दी गरी विभागका शिक्षकहरुलाई सांघातिक आक्रमण गर्ने धम्की आइरहेको पृष्ठभूमिमा मंगलबार विश्वविद्यालय परिसरभित्रै भएको सांघातिक आक्रमण भएको भन्दै समाजशास्त्र केन्द्रीय विभागको गम्भीर ध्यानाकर्षण जनाएको थियो।
नेपाल विद्यार्थी संघले उपप्राध्यापक चलाउनेमाथि भएको आक्रमणमा आफ्नो संलग्नता नरहेको दाबी गरेको थियो। संघका अध्यक्ष राजीव ढुंगानाले विज्ञप्ति जारी गर्दै उक्त घटनामा नेविसंघको कहीँ कतै संलग्नता नरहेको दाबी गरेका थिए।
चलाउनेमाथि भएको आक्रमणको अनेरास्ववियूले भने निन्दा गरको छ। संयोजक ऐन महर र सहसंयोजक रञ्जित तामाङले प्रेस विज्ञप्ति जारी गर्दै चलाउनेमाथि भएको पाशविक र सांघातिक हमालाको घोर निन्दा गर्दै घटनामा संलग्नलाई कारबाहीको माग गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749559264.jpg)
-1749558784.png)
-1749544996.jpg)
-1749541695.jpg)
-1749539455.jpg)
