काठमाडौं- जेलमा रहेका गुन्डा नाइके समीरमानसिंह बस्नेतसँग मिलेर व्यवसायीलाई धम्काउँदै रकम असुलेको आरोपमा ८ जना पक्राउ परेका छन्।
पक्राउ पर्नेमा गृहमन्त्री रामबहादुर थापाका बादलका भाइ नरेश कुमार थापासहित काठमाडौं स्युचाटारका पवन खड्का, काठमाडौं इचंगुनारायणका सुरेन नगरकोटी, काठमाडौं भेडासिंहका शैलेश प्रजापति, काठमाडौं नागार्जुनका विनोद लामा, वीरबल भट्टराई, मन बहादुर पुन मगर छन्।
पक्राउ परेकामध्ये भट्टराई प्रहरी जवान हुन्।
उनी केन्द्रीय कारागार सुन्धारामा कार्यरत थिए। भट्टराईले जेलमा रहेका गुन्डा नाइके बस्नेतलाई पटकपटक फोन गर्नका लागि आफ्नो मोबाइल दिएको आरोप लागेको छ।
जेलको फोनमा कडाई गरेपछि बस्नेतले प्रलोभनमा पारेर प्रहरीकै जवानको मोबाइलबाट फोन गर्ने गरेको स्रोतले जानकारी दियो।
त्यस्तै पक्राउ परेका गृहमन्त्री थापाका भाई नरेशले आफूले समीरमानलाई जेलमा भेटेको कुरा स्वीकार गरेका छन्।
पक्राउ परेकामध्ये लामा, प्रजापति र प्रहरी जवान भट्टराईको बयान सकिसको छ। अन्यको बयान भने बाँकी छ।
गत साउनको अन्तिम साता समीरमानका सहयोगीहरू पवन खड्का र सुरेन नगरकोटी पक्राउ परेका थिए।
उनीहरुकै बयानका आधारमा अन्य व्यक्ति पनि पक्राउ परेका हुन् । पक्राउ परेकाविरुद्ध आपराधिक लाभ र संगठित अपराधमा मुद्दा दायर भएको छ।
नेपाल निर्माण व्यवसायी महासंघका तत्कालीन अध्यक्ष शरदकुमार गौचनको हत्या आरोपमा गुन्डा नाइके बस्नेत पक्राउ परेपछि उनी केन्द्रीय कारागारमा कैद भुक्तान गरिरहेका छन्।
जेलमा बसकै बेला उनले आफ्ना केटाहरु प्रयोग गरेर धम्क्याउँदै रकम असुल्ने धन्दा लागेको प्रहरीले जनाएको छ।
यसरी रकम उठाउने गिरोहसँग गृहमन्त्री थापाका भाईको कनेक्सन देखिएपछि उनी पनि पक्राउ परेका हुन्।
उनी बोहक अन्यलाई प्रहरीले यसअघि नै पक्राउ गरेर सरकारी वकिलको कार्यालयमार्फत मुद्दा चलाएको थियो।
फरार बनाएर गृहमन्त्री थापाका भाइलाई मुद्दा पेश गरेपछि उनी गत सोमबार अदालतमा उपस्थित भएका थिए। सोही बेला उनलाई सिआइबीले पक्राउ गरेको हो।
व्यवसायी जयराम लामिछानेको जोहरीले उनीहरुलाई प्रतिवादी बनाउँदै जिल्ला अदालतमा मुद्दा दायर भएको छ।
बाग्लुङका जावेद अनवरदिन भने फरार छन्। उनलाई फरार प्रतिवादी बनाएर मुद्दा दायर गरिएको छ।
उनी दुबईमा बसेर इन्टरनेटमार्फत नेपाली व्यवसायीहरुलाई धम्क्याउँदै रकम असुलेको आरोप लगाइएको छ।
यसैगरी जेलमै रहेका गुन्डा नाइके बस्नेतलाई पनि प्रतिवादी बनाइएको छ। उनीसँगको बयान पनि सकिएको छैन।
गत २३ असोजमा घरबाट निस्किएर कार्यालय जाने क्रममा राजधानीको शान्तिनगरमा गौचनको हत्या भएको थियो।
गौचन हत्यामा अहिलेसम्म मुख्य योजनाकार समीरमानसिंह बस्नेत, राजीव स्याङ्तान, शिवजी महतो, मुकेशकुमार पाण्डे, प्रकाश बुढाथोकी, सन्तोष गुरुङ, लोप्साङ लामा, अम्बरबहादुर राना, श्यामबहादुर गुम्बे, रोशन बुढाथोकी पक्राउ परिसकेका छन्।
सोही हत्यामा जोडिएका मनोज पुन भने २०७४ फागुन ९ गते रुपन्देहीको 'इन्काउन्टर'मा मारिए।
सम्बन्धित समाचार
गौचन हत्यामा दरबारको पेस्तोल, समीर जोगाउन राधेलाई खोर
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749801778.jpg)
-1749797959.png)
-1749826086.png)
