काठमाडौं– नेपाल नागरिकय उड्डयन प्राधिकरणले निजी वायु सेवा कम्पनीहरुलाई हवाई उडानको अनुमति लिएर मात्र यात्रुहरुलाई टिकट बिक्री वितरण गर्न निर्देशन दिएको छ।
नेपालको हवाई क्षेत्रमा उडान गर्नुअघि प्राधिकरणको अनिवार्य अनुमति लिनुपर्ने प्रावधान रहे पनि केही कम्पनीले हाल अनुमति नलिइकनै चार्टर उडानको नाममा टिकट बिक्री गरेको पाइएको प्राधिकरणले जनाएको।
उक्त कार्यप्रति गम्भीर ध्यानाकर्षण भएको भन्दै प्राधिकरणले कारबाही गर्ने चेतावनी दिएको छ। चार्टर उडानको नाममा टिकट बिक्री गरी यात्रुहरुलाई विमानस्थलमै अलपत्र पार्ने काम गरेकाले अब आइन्दा उडान अनुमति लिइसकेपछि मात्र टिकट बिक्री गर्न निर्देशन दिइएको हो।
यदि प्राधिकरणको निर्देशन अवज्ञा गरे सुरक्षा नियमावली २०७३ अनुसार कारबाही गर्ने चेतावनी दिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749826086.png)
