बानेश्वरमा नो एमसीसी लेखिएको प्रेसर कुकर राख्ने विप्लव कार्यकर्ता पक्राउ

सुरक्षा/अपराध

नेपाल लाइभ बुधबार, फागुन १८, २०७८ १२:५५

काठमाडौं– नयाँ बानेश्वरस्थित सडकमा नो एमसीसी लेखेर प्रेसर कुकर बम राखेको आरोपमा एक जनालाई प्रहरीले पक्राउ गरेको छ। पक्राउ पर्नेमा काभ्रे घर भएका सुवास महत रहेको महानगरीय प्रहरी अपराध महाशाखा एसएसपी बसन्त कुँवरले बताए। उनलाई महाशाखाको टोलीले गौशालाबाट पक्राउ गरेको हो।

उनी नेत्रविक्रम चन्द (विप्लव) नेतृत्वको नेकपाका कार्यकर्ता रहेको प्रहरीले जनाएको छ। उनी क्याम्पस इकाइ कमिटीका सदस्य रहेको प्रहरीले जनाएको छ । मोटरसाइकलमा आएका दुई जनाले दिउँसै सडकमा कुकुर राखेका थिए।

उक्त कुकर बम भएको हुनसक्ने आशंकामा नेपाली सेनाको टोलीले डिस्पोज गर्दा तर्साउनका लागि मात्रै राखिएको पाइएको थियो।

कुकरभित्र कपडाहरु राखिएको भेटिएको थियो। कुकर राख्ने कार्यमा संलग्न अर्का व्यक्ति भने फरार छन्। उनको खोजी भइरहेको प्रहरीले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

राष्ट्रपति पौडेलद्वारा बौद्ध स्तूपामा पूजा, आराधना

प्रधानमन्त्री ओली लुम्बिनीमा

हमासले अमेरिकी–इजरायली नागरिक अलेक्जेन्डरलाई रिहा गर्दै