काठमाडौं- पछिल्लो पुस्ताका खेलाडीहरुमा नर्वेका एरलिङ ब्रउट हल्यान्डले फुटबल समर्थकलाई चकित पारिरहेका छन्। लगातार गोलमा बढीरहेका उनले आइतबार राति युइएफए नेसन्स लिग अन्तर्गत रोमानियाविरुद्धको खेलमा पनि ह्याट्रिक गरे। जुन राष्ट्रिय टिममा उनको पहिलो ह्याट्रिक हो।
रोमानियालाई ४-० ले हराएको खेलमा नर्वेका हल्यान्डले १३औँ मिनेटमा नै गोल गरेर अग्रता दिलाएका थिए। सोर्लथले खेलको ३९औँ मिनेटमा गोल गर्दै अग्रता दोब्बर बनाए। त्यसपछि ६४औँ र ७४औँ मिनेटमा गोल गर्दै २० वर्षका हल्यान्डले ह्याट्रिक पूरा गरेर आफ्नो विश्वस्तरीय खेल देखाए।
नेसन्स लिगमा नै २०१८ को सेप्टेम्बरमा बुल्गेरियासँग हारेपछि नर्वेले पछिल्ला १८ खेलमा लगातार गोल गरिरहेको छ। जुन १९५० को नोभेम्बरदेखि १९५३ को अगस्टसम्म २० खेलमा लगातार गोल गरेको नर्वेको कीर्तिमानको नजिक देखिन्छ। जहाँ हल्यान्ड उत्कृष्ट रुपमा बढिरहेका छन्।
अस्ट्रियन फुटबल क्लब साल्सबर्गबाट २०२० को जनवरी ट्रान्सफर समय सकिने केही दिनअघि जर्मन क्लब बोरुसिया डर्टमुन्ड गएका हल्यान्डले लगातार आफ्नो प्रभाव देखाइरहेका छन्। साल्सबर्गमा हुँदादेखि नै विश्व फुटबलको चर्चामा रहिरहेका हल्यान्डलाई विश्वस्तरीय स्ट्राइकरका रुपमा हेरिएको छ।
गएको सिजन बोरुसिया डोर्टमुन्डमा उनले १८ खेलमा १६ गोल र ३ असिस्ट गरेका थिए। डोर्टमुन्ड जानुअघि गएको सिजन नै साल्सबर्गबाट २२ खेल खेलेका उनले १८ गोल र ७ असिस्ट गरेका थिए। यो सिजन बोरुसिया डोर्टमुन्डका लागि उनले ५ खेलमा ५ गोल र २ असिस्ट गरिसकेका छन्।
गएको सिजन साल्सबर्गबाट च्याम्पियन्स लिग डेब्यू खेलमा नै पनि हल्यान्डले बेल्जियन क्लब जेन्कविरुद्ध ह्याट्रिक गरेका थिए। जसले उनको चर्चा त्यतिबेलै चुलिएको थियो। तीन गोलका कारण मात्रै होइन खेलभर नै जेन्कलाई दबाबमा राख्न उनको भूमिका प्रमुख थियो।
हल्यान्डमा अद्वितीय खेल कलाको विकास यसै भएको होइन। उनका बुबा अल्फ इन्गे हल्यान्ड पनि पूर्वफुटबल खेलाडी नै हुन्। फुटबल जगतमा डिफेन्सिभ मिडफिल्डर अल्फ इन्गेको नाम कुनै समय निकै चर्चामा थियो। सन् १९९० ताका नर्वेकै ब्राइन फुटबल क्लबमा खेल्ने अल्फ इन्गे १९९३ मा इंग्लिस क्लब नटिङहम फरेस्ट, १९९७ मा लिड्स युनाइटेड हुँदै २००० देखि २००३ सम्म म्यानचेस्टर सिटीमा थिए। उनले १९९४ देखि २००१ सम्म नर्वेको राष्ट्रिय टिमबाट समेत खेलेका थिए।
यसैले अल्फ इन्गे हल्यान्डका छोरा एरलिङ ब्रउट हल्यान्डले पनि आफ्नो बुबाको बाटो पछ्याउँदै त्योभन्दा स्तरीय खेलाडी बन्ने देखाइसकेका छन्। नर्वेका लागि गएको वर्ष यु२० विश्वकपमा पनि ६ फिट ३ इन्च अग्ला हल्यान्डले होन्डुरसविरुद्ध एकै खेलमा ९ गोल गरेर कीर्तिमान बनाएका थिए। १२-० ले नर्वेले जितेको उक्त खेलपछि पनि हल्यान्डको चर्चा खुब थियो।
आफ्नो बुबाले जस्तै नर्वेकै ब्राइन फुटबल क्लबबाट २०१६ मा खेल जीवन सुरु गरेका हल्यान्ड २०१७ मा नर्वेको मोल्ड फुटबल क्लबमा पुगेका थिए। त्यहाँ एक सिजन बसेका उनी गएको सिजन अस्ट्रियाको क्लब साल्जबर्ग हुँदै जर्मन क्लब बोरुसिया डोर्टमुन्ड पुगेका हुन्। जहाँ पुग्नेवित्तिकै उनले फुटबलमा थप तहल्का मच्चाइरहेका छन्।
अहिले हल्यान्डको चर्चा स्टार खेलाडी क्रिष्टियानो रोनाल्डो र जाल्टन इब्राहिबोभिचसँग पनि हुने गरेको छ। हुन त अहिले हल्यान्डबारे रोनाल्डोलाई जोडेर तारिफ गरिहाल्नु हतारो जस्तो पनि लाग्ला तर उनले देखाएको खेल मैदानमा निल्याने हो भने तारिफ नगरी बस्न सकिने अवस्था रहँदैन। अग्लो कद र बलियो शरीरका उनले जब बल अगाडि बढाउँछन् तब कतिपय डिफेन्डरसँग उनलाई फोउल गरेर रोक्नुको विकल्प हुँदैन।
एक समय ब्राइन फुटबल क्लबमा हल्यान्डको दोस्रो सिजन चलिरहँदा १६ खेल खेलिसक्दा पनि गोलविहीन थिए। त्यसपछि उनले आफूले मेहनत बढाउनुपर्ने सोचे र बढाए पनि। शारीरिक उचाइ र तौल बढेसँगै उनको खेलशैली पनि राम्रो हुँदै गयो। मोल्डमा ग्एपछि उनको खेल राम्रो हुन थालेको हो। २०१७ को पहिलो सिजन २० खेलमा ४ गोल गरेका उनले अर्को सिजन त २५ खेलमा नै १२ गोल हानेका थिए।
हल्यान्ड पनि आफूमा इब्राहिमोभिचको प्रभाव ठूलो रहेको बताउँछन्। उनले एकपटक भनेका थिए, ‘मेरा लागि आत्मविश्वास बढाउने निकै फुटबल खेलाडीहरु छन् जसलाई म पछ्याइरहेको हुन्छु तर तीनिहरु सबैमा जाल्टन इब्राहिमोभिच अझ विशेष लाग्छ। उनले खेल्ने शैली नै राम्रो छ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1746806796.jpg)
-1746797886.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
