सांसद अपहरणमा जाहेरी दर्ता गर्न प्रहरी हेडक्वार्टरको निर्देशन

सुरक्षा/अपराध

नेपाल लाइभ सोमबार, वैशाख १५, २०७७ ११:४५

काठमाडौं– पूर्वस्वास्थ्य राज्यमन्त्री समेत रहेका समाजवादी पार्टीका सांसद् डा सुरेन्द्र यादवको अपहरण प्रकरणमा मुछिएकाहरु विरुद्धकाे किटानी जाहेरी कानुन अनुसार दर्ता गर्न प्रहरी हेडक्वाटरले निर्देशन दिएकाे छ। प्रहरी प्रवक्ता डिआइजी निरज शाहीले कानुन अनुसार जाहेरी दर्ता गर्न निर्देशन दिएको जानकारी दिए। दर्ता गर्न नमाने त्यसको पनि कानुनी बाटो खुल्ला रहेकाे उनले बताए।

सत्तारुढ नेकपाका सांसदद्वय महेश बस्नेत, किसन श्रेष्ठ र पूर्वप्रहरी महानिरीक्षक सर्वेन्द्र खनालले जबर्जस्ती बुधबार राति डा यादवलाई काठमाडौं ल्याएका थिए।

यसअघि आइतबार प्रहरी परिसर टेकुले सांसद् डा यादवको अपहरण प्रकरणमा किटानी जाहेरी लिन मानेको थिएन। डा सुरेन्द्र यादवलाई अपहरण गरिएको भन्दै समाजवादी पार्टी र राष्ट्रिय जनता पार्टीका नेताहरू प्रहरीमा मुद्दा दर्ता गराउन प्रहरी परिसर टेकु पुगेका थिए।

तर, प्रहरीले जाहेरी लिन नमानेको र महोत्तरी जान भनेपछि प्रहरी र नेताहरूबीच चर्काचर्की भएको थियाे।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

बाल मन्दिर प्रकरण : १७ जनाविरुद्ध मुद्दा दर्ता, ६० करोड बढी मागदाबी

धितोपत्र बोर्डका फाइल अख्तियारको नियन्त्रणमा

म्यानमारबाट ११ जना नेपाली नागरिकको उद्धार